HALÊ MA

Bıraênê nu senê halo

Derdo dı gırano, sebeno!

Dewi u sukê ma kerdê thal

Dısmen mara çı wazeno!

Sukanê ğeribiye dimê

Çımê ma koê muzır pinê

Ser-sext nêva çê ma vêşnay

Çel-çuk ra u olağan dimê

Savaci bıraê mı savaci

Kami rê bıbıri davaci

Ma xo be xo ser dı ardê

Zelê verê çımi nêdi, savaci

Biya xo viri welatê xo

Serba qomê xo raa ra so!

Çıqa kı wayırê xo vêcina

Hentêy nasbena kamiya tu.

(Dina naskena kamiya tu)

Ekı mırena qomê xorê bımırê!

Aa ra tepia dina sari rê

Serê wedarime, serba qomê xo

Na gama verênê bıbo mare.

Vanê kı jian, çê isaniyo

Xovir ra kı bi, qom mıreno

Tomete, xo ser ra wedarime

Mıradê dısmenu mebıro!

Bıraê mı heqa xu bıwaze!

Kamiya tu çıka, aê vace!

Bêwayır meverde Kırmanciye

Dısmeni rê tari bo her roce!...

(Dısmen rê tari ke her roce!..)

pêyser