Ez Kamo, sare mı çutır bi kundır???? ( * ) Malo pesk re: Cigeram, To eve na persa xo derdê mı kerd têra, dırvetê mı kerd tezey. Domonen ra kam ke ame şi da ve sare mıro. Moa mı eve tiriye da ve sare mıro. Piye mı eve dıme torjên dave sare mıro. Malımi eve cetvel da ve sare mıro: Eskeriye de caê mı torta ostoru viye, uskaki ostor eve paskule da ve sare mıro. Ez eskeriye ra amune dewe, kınce eskeri mı serdevi na rayek televu eve usuru dave sare mıro. Eyra dıme cigere xo re vaji, roze ez bınê şiving de ronistine guke çê derezaye mı şivig ra erjiya ru corde gınave sare mı sero. Ma mı de sare mend ! Mı êndi niyada ke sare mı toa niceno. Ez vejine şine Qısle. Amune Qısle mı niyada ke suka de gırsa. Nê uce xo, neki buce xo esto. Jê na Berlino merat. Dıma, mı lazekera caye Toxtor i pers kerd. Lazeki mıra vake, apo ta sukake gırsa. Tı tene pere bıde mı ez tore raye salıx bidi. Mı poro pere xo dave lazek. Lazek vake, apo tı ta vınde ez pere ber moa xo dine beri. Lazek şi ez uska mendu. Saate şye lazek niyame. 10 saat şi lazek niyame. Bı sonde mı niyada ke lazek nino. Ez uska tevera mendo. Sondo, wazen ke rakune bıne kemere de nıkaki serdo. Serd sare mı werdo. Mı niyada ke nêveno mı poro kınce xo vêt plosnay ro sare xo. Axıriye bi sodır. Lazek niyame. Mi sero ke pere çino. Vejine şine. Mı niyadake raye serde zu bon esto ha mı vake ala ta pers keri. Şine zere, mı niyada ke mordemek feke bergir kerdo ra tede niyadano. Xore nistne ro. Mordemek ostor caverda ame leye mı. Vake apo çı wazena mı vake' birayem bexte todero. Na sare mıre zu çare bivine. Mordemek mote mı vi vake, amca ma ta teyna bergirure semeru vırazeme. Sare isonire semeru nêvırazeme. Mı vake, birayem ez toxtor saye ken, caye toxtor koto. Mordemek mıde bi tever vake, na raye ra so caye toxtor hete çepê todere, bina sıpiya. Ez kot ra ve raye. Aravey ji viziku dorme mıde yene sone. Xeyle şine mı niyada mordemek taye kundir hard sero ne ro eve vengo berz vano « kundıraaaaaa gellllllllll » Ez şine lewe mı vake nero tı mıra mılqu kena. Laze kelpi! Ha mı wuşira deste xo gurete, poro kundur kerd pırtley. Cendermey amey ma cera kerdime. Nıka ez wazenku şêri, cenderme mı raniverdano. Ez gureto berdo Qereqoli. Ha mı nezona se vi. 10 cendermu eve uşiru dorme mı guret dave sare mıro. Uncaki haq yinu ra rajivo 2 roj none mı da mı, dımaki ez verdune ra. Nıka qereqol ra vejine tever mi niyada ke na qısle tenena biyo gırs. Hala hala van, xo ve xo, no sene hikmeto. Yoxro ke mıde sare nêmendo her çi dı vinen. Peske mı dıma mı niyada ke na suke mı wena. Mı xo peye cewu de dard we bi sonde. Ha mı a pesewe de nave pira ji awresi amune dewe. Amune çêye. Mı çêver kerd ra, ha mı niyada juy eve dıme zengen vake zıng dave sare mıro. Ez hen bolmıs bine. Bi sodır hesare xo bine. Mı vake, ero ez kotine. Mıra vake, tı 10 rozo je merdey hewndera. Mı vake, nero ta dewa Kundıri niya . Mıra vake niye ta dewa Tolukeweruna. Dıma haq rajivo mordemekeki eve dıme zengen dav ve sare mıro, destê mıde guret ez ardune çê. Cigeram hona nu toa niyo. Na sare mı çı di, çı nêdi. Eke wazene tı perske ez tore qesey bıkeri. Kemer u dar bererave zon. Ez ve xo besenêken bınosnine, beçıke mı zof qolınde. Eke mı dave herfure, reyede 3 herfi vejine. Coka ez van, derezaye mı ke eve peru mıre nusneno. Sare mı unca zof deza. Tene beri bıne uwa serdıne de honik keri. Xatıre to. Çıme: Site- http://www.anamozaik.net/ (*) Nu nuste hata fek ra mı nêvurna, hama hata gramatik ra kerd raşt. (U. Pulur) |
